Malinaw sa lahat na ang tao ngayon ay nabubuhay sa isang mundong mabilis na nagbabago. Halos lahat ng makapangyarihang mana-manang namamahalang angkan sa Europa bago ang 1914 ay napalitan na ng ibang anyo ng pamahalaan. Ang panahong nagsimula nang sumiklab ang Unang Digmaang Pandaigdig ay sa malaking bahagi ay naging panahon ng pagkasira at pagkakawatak-watak; ngunit hindi naman lubusan, sapagkat sa panahong ito ay isinilang ang mga bagong bansa. Isa na rito ang Israel. Marahil mas tama na sabihing muling isinilang ang Israel, sapagkat ang bayang ito ay dating isang bansa na may sariling pamahalaan.