Ang mga pahina sa kasaysayan natabonan sa dugo sa
gubat. Ang mga panagbangi tali sa mga nasud halos
pirme gihukman sa patlang sa gubat. Ang mga manan-
aw ug mga maalam nakakita sa usa ka adlaw nga kini
nga walay kalooy ug walay pulos nga buhat hunongon,
ug ang mga katawhan sa kalibutan modawat og usa
ka matarong ug husto nga pamaagi sa pagpuyo uban
sa usag usa. Ang mga propeta sa Bibliya, nga nagsulat
ubos sa inspirasyon sa Balaang Espiritu sa Dios,
nagtagna sa ingon nga panahon, nga nagpasabot nga
kini matuman pinaagi sa pagtukod sa usa ka
kalibutanong gobyerno o gingharian nga magpugos sa
mga tawo sa tanang nasud sa pagsunod sa matarong
ug husto nga mga balaod, diin pinaagi sa pagsunod
niini masiguro ang unibersal ug malungtarong kalinaw.